बीबीसी । अमेरिकाका राष्ट्रपति डोनाल्ड ट्रम्पले उत्तर कोरियाली शासक किम जोङ उनका साथ सकारात्मक कुराकानी नभए बैठक बीचमै छाडेर बाहिरिने बताएका छन् ।  जापानका प्रधानमन्त्री शिन्जो आबेका साथ एक संयुक्त प्रेस वार्तामा ट्रम्पले परमाणु निरस्त्रीकरणका लागि उत्तर कोरियामाथि अधिकतम दबावको अवस्था सिर्जना गरिराख्नुपर्नेमा जोड दिए । 

उनले सीआईएका निर्देशक माइक पोम्पियोले किमसँग भेटघाटका लागि उत्तर कोरियाको ‘गुप्त’ यात्रा गरेको पनि पुष्टि गरेका छन् ।  पोम्पियोले किम जोंग उनका राम्रो सम्बन्ध बनाएको तनावरहित अवस्थामा बैठक आयोजना गरेको अमेरिकी राष्ट्रपति ट्रम्पको भनाई थियो । 

ट्रम्पले जून महिना अथवा त्यो भन्दा अगावै किमल भेटवार्ता गर्ने सम्भावना रहेको छ । यद्यपि बैठकस्थल र त्यससँग सम्बन्धित कुराहरु तय गर्ने बारेमा आन्तरिक तयारीहरु भइरहेको बीबीसीले जनाएको छ ।