बीबीसी । भारतको महाराष्ट्र प्रहरीले छत्तीसगढ राज्यको सीमासँग जोडिएको गढचिरौली जिल्लामा भएको मुठभेडामा १३ माओवादी कार्यकर्ताको मारिएको दावी गरेको छ ।
नागपुरमा नक्सल विरोधी अभियानको विशेष प्रहरीका महानिरीक्षक शरद शेलारले अहिलेसम्म १३ माओवादी कार्यकर्ताको मृत्यु भएको खबर प्राप्त भएको पुष्टि गरेका छन् । उनले प्रहरीको सी–६० टीमले गरेको कारवाहीमा ती माओवादी कार्यकर्ता मारिएका पनि बताएका छन् ।
प्रहरीका अनुसार आइतबार बिहान भामरागढको ताडगाउँ जंगलमा ‘सर्च अपरेशन’ मा निस्केको प्रहरी टोलीको माओवादीसँग मुठभेड भएको हो ।
माओवादी र प्रहरी टोलीबीच कयौं घण्टासम्म भिडन्त भएको बताइएको छ । प्रहरीले भिडन्त भएको स्थानमा रगतका टाँटाहरु देखिएकाले अरु माओवादी कार्यकर्ताको पनि मृत्यु भएको हुन सक्ने अनुमान गरेको छ ।
https://www.bbc.com/hindi/india-43856705