काठमाडौं । विभिन्न लोपोन्मुख जनावरको छालाजन्य वस्तुसहित एकजना पक्राउ परेका छन् । महानगरिय प्रहरी प्रभाग बलम्बुको टोलीले ललितपुरको गोदावरी नगरपालिका ८ पछमहाका २२ वर्षीय सुकराज नगरकोटीलाई पक्राउ गरेको हो ।

उनलाई संतुङ्गल क्षेत्रबाट पक्राउ गरिएको महानगरिय प्रहरी परिसर काठमाडौंमा डीएसपी मोहन थापाले बताए । प्रहरीले नगरकोटीबाट सालककोे खपटा एक थान, मृगको छाला, स्यालको रौं, मृगको सिङ, र वाघको छालाजस्तो देखिने १ थान छाला बरामद गरेको छ ।