काठमाडौं । नेपाल ट्राईयाथलन संघको आयोजना तथा नेपाल ओलम्पिक कमिटिको सहयोगमा ओलम्पिक सोलिडारिटी आईटियु लेभल वान प्रशिक्षक कोर्ष सम्पन्न भएको छ ।
एकै खेलमा तीन विधा पौडी, साईक्लिङ्ग र दौड समावेश रहेको खेलको प्रशिक्षक कोर्षमा १० प्रशिक्षकहरुले प्रशिक्षण प्राप्त गरेका थिए । प्रशिक्षाथीहरुलाई अन्तराष्ट्रिय ट्राईयाथलन युनियनका प्रशिक्षक द्वय स्पेनका भिन्सेन्ट बाल्टेन र सिंगापुरका युजेन लिले प्रशिक्षण प्रदान गरेका थिए ।
प्रशिक्षार्थीहरुलाई राष्ट्रिय खेलकुद परिषदका उपाध्यक्ष एवं ओलम्पिक कमिटिका महासचिव लामा टेण्डी शेर्पाले सहभागिताको प्रमाण पत्र प्रदान गरेका थिए । प्रशिक्षार्थीहरुको नतिजा केहि साता पछि मात्र अनलाईन परिक्षा पश्चात अन्तराष्ट्रिय ट्राईयाथलन युनियनले प्रकाशित गर्ने छ ।