काठमाडौं । बाल गायक अशोक दर्जीले गाएको गीत युट्युब ट्रेन्डिङको एक नम्बरमा आएको छ । युट्युबमा अपलोड भएको २४ घण्टा बित्न नपाउँदै गीत एक नम्बर ट्रेन्डिङमा आइपुगेको हो । २४ घण्टामा ११ लाखभन्दा धेरै पटक गीतको भिडियो सर्च गरिएको छ ।
‘मन बिना को धन ठूलो कि धन बिनाको मन...’ बोलको गीतमा गायक तथा संगीतकार टंक बुढाथोकीले गायनका लागि अशोकलाई सहयोग गरेका छन् । टंकले गाएपछि अशोकले उनलाई हुबहु नक्कल गर्दै पछ्याउँछन् । ठाउँठाउँमा भने गीत डोयटका रुपमा समेत सुन्न पाइन्छ ।
गीतमा शब्द बि राज नेपालको छ भने संगीत टंक बुढाथोकी स्वयम्ले भरेका छन् । यो गीतको परिकल्पनाकार समेत टंक आँफै हुन् ।
भिडियो निर्देशन समेत टंक आँफैले गरेका छन् ।
झापाको गरिब दर्जी परिवारका अशोकलाई एक स्थानीय टेलिभिजनले उनको प्रतिभा सार्वजनिक गरेपछि अशोकलाई काठमाडौं ल्याएर उनको प्रतिभालाई डिजिटलाइज गरिएको हो ।