काठमाडौं । लुनकरणदास – गंगादेवी चौधरी साहित्यकला मन्दिर र सर्वनामको संयुक्त आयोजनामा विगत पाँच वर्षदेखि गरिँदै आइएको कविता वाचनको मासिक शृँखला ‘हामी कवि र कविता’को ५७औँ अंक मंगलबार सम्पन्न भएको छ ।
सर्वनामको प्रेक्षालयमा हरेक महिनाको १ गते आयोजना गरिँदै आएको हामी कवि र कविताको नविनतम शँृखलामा कविद्वय प्रभा भट्टराई तथा कवि रोशन पुनले आ आफ्ना कविता वाचन गरे ।
कविता वाचनको पहिलो चरणमा कवि प्रभा भट्टराईले आफ्नो १० वटा कविता वाचन गरिन । उनले आमा, कल्पना परी, त्यै भयो बरू, खै म के भनूँ, आनन्द, ढिलो भयो हैँ लगायत शीर्षकको कविता वाचन गरेकी थिइन ।
त्यस्तै कार्यक्रमको दोस्रो चरणमा अर्का कवि रोशन पुनले आफ्नो ६ वटा कविता वाचन गरे । उनले फुल व्रmान्ति, झरी, म धरहरा, पाठशाला, गुन्द्रुक र बाकस शीर्षकको कविता वाचन गरेका थिए ।
कार्यक्रमको प्रारम्भमा सर्वनामका तर्फबाट साहित्यकार अशेष मल्लले कविद्वयलाई स्वागत गरेका थिए । कार्यक्रममा कवितामा रुची राख्ने स्रोताहरुको उल्लेख्य सहभागिता थियो ।