एजेन्सी । म्यानचेस्टर सिटीका प्रशिक्षक (म्यानेजर) पेप ग्वार्डियोला इन्ग्लिश प्रिमियर लिगमा म्यानेजर अफ दि इयर घोषित भएका छन् । बर्षको उत्कृष्ट प्रशिक्षक बन्दै ग्वार्डियोलाले लिग म्यानेजर्स एसोसियनले प्रदान गर्ने ‘एलएमए म्यानेजर अफ दि इयर’ अवार्ड हात पारेका हुन् ।

लिग म्यानेजर्स एसोसियनले मंगलबार राति प्रशिक्षक ग्वार्डियोलाले यो अवार्ड प्रदान गरेको थियो । स्पेनिस प्रशिक्षक ग्वार्डियोलाले म्यानचेस्टर सिटीलाई प्रिमियर लिगको उपाधि दिलाएका  थिए ।  यस्तै लिगमा सिटीले कीर्तिमानी १०० अंक जोडेको थियो । जसमा सिटीले १०६ गोल गरेको थियो ।

‘एलएमए म्यानेजर अफ दि इयर’ अवार्डको लागि ग्वार्डियोलासंगै लिभरपुलका जोर्गेन क्लोप, बर्नलीका सिन डिचे, वुल्भ्सका नुनो स्पिरितो सान्तोस, कार्डिफका निल वार्नोक र एक्रिङ्टन स्टेनलीका जोन कोलेमान मनोनयनमा परेका थिए ।

यस्तै एभर्टनका प्रशिक्षक साम एलरडाईसले हल अफ फेम अवार्ड प्राप्त गर्दा कार्डिफका प्रशिक्षक वार्नोकले स्पेसल अचिभमेन्ट अवार्ड हात पारे । एफए वुमन्स सुपर लिग १ को म्यानेजर अफ दि इयर अवार्ड चेल्सीका इम्मा हाएस र लिग २ तर्फ मिल्वालका ली ब्रुचले हात पारिन् ।