बीबीसी । उत्तर कोरियाले फेरी एक पटक विश्व समुदायलाई चकित पार्दै दक्षिण कोरियासँग हुने भनिएको उच्च स्तरीय वार्ता रद्द गरेको छ । उत्तर कोरियाको सरकारी मीडियाका अनुसार उत्तर कोरियाले छिमेकी मुलुक र अमेरिकाको जारी संयुक्त सैन्य अभ्यासबाट असन्तुष्टि जनाउँदै यस्तो निर्णय गरेको हो । 
उत्तर कोरियाको समाचार एजेन्सी केसीएनएले लेखेको छ, अमेरिका र दक्षिण कोरियाको संयुक्त अभ्यास ‘उक्साहटयुक्त’ छ । एजेन्सीले अमेरिकालाई पनि उत्तर कोरियाली नेता किम जोंग–उन र अमेरिकी राष्ट्रपति डोनल्ड ट्रम्पबीच १२ जुन महिनामा हुने भनिएको बहुप्रतीक्षित भेटघाटको भविष्यलाई लिएर पनि चेतावनी दिएको छ । 
रद्द गरिएको वार्ता असैन्यकृत क्षेत्र पनमुनजोममा बुधवारका लागि निर्धारण गरिएको थियो । वार्तामा दुवै मुलुकका प्रतिनिधिहरुले २७ अप्रिलमा दुवै देशका राष्ट्र प्रमुखबीच भएको छलफलका क्रममा भएको सहमतिलाई अगाडि बढाउने बारेमा विचार विमर्श हुने बताइएको थियो । 
पनमुनजोम कोरियाली प्रायद्वीपको यस्तो स्थान हो, जहाँ उत्तर कोरिया, दक्षिण कोरिया र अमेरिकी सैनिक एक–अर्कासँग साक्षात्कार हुन्छन् । सन् १९५३ पछि यो स्थानमा युद्ध विराम लागू भएको थियो । 
उत्तर कोरियाली नेता किम जोंग–उन र दक्षिण कोरियाली राष्ट्रपति मून जे–इनले द्विपक्षीय भेटवार्ता पछि कोरियाली प्रायद्वीपलाई परमाणु हतियारबाट मुक्त गर्ने सहमति जनाएका थिए । दुवै जनाले १९५३ को युद्धविरामलाई औपचारिक रुपले यस वर्ष शान्ति सन्धिमा परिणत गर्ने पनि इच्छा जाहेर गरेका थिए । 

https://www.bbc.com/hindi/international-44132537