बीबीसी । भारतीय पुलिसले एक २५ वर्षीया विदेशी महिलाको पेटबाट १०६ वटा कोकिनका क्याप्सुलहरु बरामद गरेको छ । दिल्लीस्थित भारत भित्र्याउने क्रममा अन्तराष्ट्रिय विमानस्थल भित्रै पुलिसले उनलाई गिरफ्तार गरेको थियो । सो कोकिन ५ करोड भारतीय रुपैँया बराबर रहेको उल्लेख गरिएको छ ।
गिरफ्तार गरिएपछि उनलाई उपचारका लागि एक हप्तासम्म अस्पताल राखिने तय भएको बताइएको छ । पुलिसले बताए अनुसार ती महिलाले ब्राजिलको साउ पौलोमा ती क्याप्सुलहरु निलेकी हुन् जसलाई दिल्लीमा रहेका एक नाइजेरीयाली नागरिककहाँ पुर्याउन उनलाई आदेश दिइएको थियो । यसअघि लागू औषध विभागका अधिकारीहरुले कहिल्यै पनि त्यति धेरै मात्रामा मानिसको पेटभित्र कोकिन फेला नपारेको बताएका छन् ।
पुलिसले नियन्त्रणमा लिएको सो कोकिन कोलम्बियाको अत्यन्तै उच्च गुणस्तरको भएकाले यस्ता मुद्दाहरुमा फेला पारिने सस्ता लागू औषध भन्दा त्यो निकै फरक किसिमको भएकोे बताएका छन् । अहिले भने पुलिसले तस्करीमा संलग्न ती नाइजेरियाली नागरिकको खोजी गरिरहेको बताइएको छ ।