काठमाडौं । प्यासेफिक एसिया ट्राभल असोसिएसन, पाटाले आयोजना गरेको वार्षिक सम्मेलन २०१८, दक्षिण कोरियास्थित गाङन्युङको लकाइ स्यान्डपाइन रिसोर्टमा सम्पन्न भएको छ ।  पाटाको यस सम्मेलनले हरेक वर्ष अन्तर्राष्ट्रिय विचारधिन् लिडर, उद्योगविद् लगायत पाटासँग आवद्ध वरिष्ठ निर्णयकर्ताहरुलाई समेत एकैठाउँ भेला गर्ने गरेको छ । पर्यटन व्यवसायमा दिर्घकालीन सफलता, मूल्य एवम् गुणस्तरको वृद्धिका लागि विश्वस्तरीय मञ्च प्रदान गर्दै आएको पाटाले सो सम्मेलन गत मे १७ मा सुरु गरेको थियो ।

समारोहमा टेम्पल टाइगर ग्रुप अफ कम्पनीका कार्यकारी अधिकृत बसन्तराज मिश्र ‘लाइफ मेम्बरशीप अवार्ड’ ले सम्मानित भएका छन् । पाटाको सबैभन्दा सम्मानित अवार्ड मानिने सो शीर्षक हरेक वर्ष त्यस्ता व्यक्तित्वहरुलाई प्रदान गरिन्छ जो पाटासँग आबद्ध रहेर पर्यटन उद्योगलाई असाधारण सेवा प्रदान गर्न समर्पित रहने गर्छन् । यसका साथै मिश्र पाटाका पहिलो नेपाली सचिव र कोषाध्यक्ष पनि हुन् ।