बीबीसी । अमरिकी राष्ट्रपति डोनाल्ड ट्रम्पले उत्तर कोरियाका शासक किम जोङ–उनका साथ हुने भनिएको ऐतिहासिक सम्मेलन भेटवार्ता टर्न सक्ने बताएका छन् । दक्षिण कोरियाका राष्ट्रपति अमेरिका भ्रमणमा रहेका बेला ट्रम्पले किमसँग सिंगापुरमा हुने तय भएको भेटवार्ता टर्न सक्ने बताएका हुन् ।
आगामी महिनका लागि तय गरिएका उत्तर कोरियासँगको सम्मेलनको बारेमा छलफल गर्न अमेरिका पुगेका दक्षिण कोरियाका राष्ट्रपति मून जे–इनलाई व्हाइट हाउसमा स्वागत गर्दै ट्रम्पले सम्मेलनमा ढिलाई हुन सक्ने बताएको बीबीसीले जनाएको छ ।
गत साता उत्तर कोरियाले परमाणु हतियारका विषयमा अमेरिकाले एकतर्फी दबाव सिर्जना गरे उक्त सम्मेलन रद्द पनि गर्न सक्ने चेतावनी दिएको थियो । अमेरिकी राष्ट्रपति र उत्तर कोरियाली शासकबीच सिंगापुरमा १२ जून मा भेटवाता हुने प्रस्ताव गरिएको छ ।
उत्तर कोरियाले गएको साता विश्व समुदायलाई आश्चर्यचकित तुल्याउँदै दक्षिण कोरियाका साथ हुने निश्चित भइसकेको उच्च स्तरीय वार्ता रद्द गरिदिएको थियो । उत्तर कोरियाको सरकारी मीडियाका अनुसार उसले आफ्नो छिमेकी मुलुक र अमेरिकाको संयुक्त सैन्य अभ्यासप्रति असन्तुष्टि जनाउँदै यस्तो निर्णय गरेको थियो ।
https://www.bbc.com/hindi/international-44217853