एजेन्सी । रसियामा जारी विश्वकप फुटबलअन्तर्गत समूह ‘ए’ को खेलमा अहिले रसिया र इजिप्टबीच खेल सुरु भएको छ । आयोजक रसिया र इजिप्टबीचको खेल सेन्ट पिटर्सवर्ग रंगशाला सुरु भएको हो ।
यसअघि रसिया र इजिप्टले एक—एक खेल खेलेका छन् । रसियाले साउदी अरबसँग आफ्नो उद्घाटन खेल खेलेको थियो । जसमा रसियाले साउदी अरबलाई ५—० गोल अन्तरले पराजित गरेको थियो भने इजिप्ट उरुग्वेसँग १—० गोल अन्तरले पराजित भएको थियो ।
यसअघि विजयी भएको रसिया समुह चरणको आफ्नो दोस्रो खेल जित्दै प्रिक्वाटरफाइनलमा पुग्ने लक्ष्यमा छ । इजिप्टलाई आजको खेल जित्नै पर्ने दबाब छ । प्रिक्वाटरफाइनलमा पुग्ने सम्भावनालाई कायमै राख्न आजको खेल इजिप्टले जित्नै पर्ने दबाब छ ।
उरुग्वेविरुद्धको पहिलो खेलमा मैदान बाहिर नै रहेका इजिप्टका फरवार्ड तथा भरपर्दा खेलाडी मोहमद सलाह रसियाविरुद्धको खेलमा भने मैदानमा उत्रिएका छन् । निकै आक्रमक खेलाडी सलाहको पुनरागमनसँगै इजिप्टको टिम निकै बलियो भएको छ ।
