एजेन्सी । रसियामा जारी विश्वकप फुटबलको समूह ‘बि’ अन्तर्गत स्पेन र इरानले पहिलो हाफसम्म गोलरहित बराबरी खेलेका छन् । बलियो प्रतिद्धन्दी स्पेनविरुद्ध एसियन राष्ट्र इरानले गोलरहित बराबरी खेलेको हो ।
स्पेनले सुरुवाती समयदेखि नै आक्रमक खेल खेलेपनि गोल गर्न भने सकेन । बल आफ्नो नियन्त्रणमा भएपनि स्पेनले पाएको अवसर सदुपयोग गर्न सकेन । इतानले पनि केही गोल गर्ने अवसर सिर्जना गरेको थियो ।
सन् २०१० को विश्वकप च्याम्पियन स्पेन ५ पटक विश्वकप खेल्न लागेको इरानमाथि जित हात पार्दै नकआउट चरणमा पुग्ने सम्भावनालाई बलियो बनाउने दाउँमा छ । यता इरान पनि स्पेनलाई रोक्दै नकआउट चरणमा पुग्ने सम्भावनालाई कायमै राख्ने लक्ष्यमा छ ।
इरानले जारी विश्वकपको समूह चरणको खेलमा मोरक्कोलाई १–० गोलले पराजित गरेको थियो । इरानको ३ अंक रहेको छ । स्पेन भने समूह चरणको आफ्नो पहिलो खेलमा नै पोर्चुगलसँग ३–३ गोलको बराबरीमा रोकिएपछि अंक बाँडेको थियो । स्पेनको १ अंक रहेको छ ।