काठमाडौं । चिकित्सा–शिक्षा सुधारको माग राख्दै जुम्लामा अनसनरत डा. गोविन्द केसीमा समर्थनमा आइतबार (आज) पनि काठमाडौंको माईतीघर मण्डलामा प्रदर्शन गरिएको छ ।
बरिष्ठ चिकित्सक केसीको माग तत्काल सम्बोधन गर्न माग गर्दै उनका समर्थकहरूले आइतबार अपराह्न पनि माइतीघर मण्डलामा प्रर्दशन गरेका हुन् ।
उनीहरूले वरिष्ठ चिकित्सक केसीको जीवन–रक्षाका लागि पनि सरकारले माग सम्बोधनमा ढिलाई गर्न नहुने पनि स्पष्ट पारेका छन । जनताको माग राखेर आमरण अनसनमा बसेका केसीको माग सम्बोधन गर्न सरकारलाई दवाव दिन प्रर्दशनमा सहभागी हुनु परेको प्रर्दशनमा सहभागी विजयबाबु शिवाकोटीले बताएका छन् ।
वरिष्ठ चिकित्सक केसीको माग सम्बोधन गर्न सरकारलाई दवाव दिँदै काठमाडौंमा विभिन्न पेशा र व्यवसायमा संलग्नहरूले दैनिक प्रर्दशन गर्दै आएका छन । उनीहरूले जुम्लामा पुगेर आमरण अनसन बसेका चिकित्सक केसीको जीवन रक्षा गर्न चासो नदिएको भन्दै सरकारको चर्काे आलोचना समेत गर्दै आएका छन ।