काठमाडौं । नेपाली कांग्रेसले पत्रकार पुरुषोत्तम दाहाललाई केन्द्रीय नीति तथा प्रशिक्षण प्रतिष्ठानको कार्यकारी निर्देशकमा नियुक्त गरेको छ । उपसभापति तथा केन्द्रीय नीति तथा प्रशिक्षण प्रतिष्ठानका प्रमुख विलेन्द्र निधिले पत्रकार दाहाललाई कार्यकारी निर्देशकमा नियुक्त गरेका हुन् ।
उनलाई कांग्रेसको विधान २०१७ (संशोधित र परिमार्जित) को धारा ३६ तथा कांग्रेसको नियमावली २०६८ को परिच्छेद ४, नियम २७ र २८ अनुसार गठन भएको प्रशिक्षण प्रतिष्ठानमा नियमावली २०६८ को नियम २७ (३) बमोजिम नियुक्त गरिएको मुख्य सचिव कृष्णप्रसाद पौडेलले जानकारी दिएका छन् ।
चार दशकदेखि पत्रकारिता गर्दै आएका दाहाल ३४ वर्षदेखि प्राध्यापन पनि गर्दै आएका छन् । उनले २०४१ देखि २०५६ सम्म कांग्रेसको केन्द्रीय प्रचार प्रसार विभागको सदस्यका रुपमा पनि काम गरिसकेका छन् ।