काठमाडौं । बलिउड अभिनेता रणवीर कपुर भारतीय बक्स अफिसमा थप अब्बल कलाकारका रुपमा दरिएका छन् । उनको चलचित्र ‘सञ्जू’ भारतीय बक्सअफिसमा छैटौं ठूलो चलचित्र बनेको छ । एनडीटीभी डटकमका अनुसार रणवीरले सलमान खानलाई उछिन्ने सम्भावना देखिएको छ ।
रणवीरको चलचित्र ‘सञ्जू’ ले अहिलेसम्म ५ सय करोड भारतीय रुपैयाँ कलेक्सन गरिसकेको छ । चलचित्र बलिउडसँगै ओभरसिज मार्केटमा अहिले पनि प्रदर्शनरत रहेकाले उसको कलेक्सनको ग्राफले थप उचाइ लिने छ । ‘सञ्जू’ एक यस करोडमा निर्माण भएको चलचित्र हो ।
‘बहुबली–२’ बलिउडमा सबैभन्दा धेरै ग्रसकलेक्सन गर्ने चलचित्र हो । दोस्रो आमिर खानको ‘दङ्गल’ तेस्रो आमिरकै ‘पीके’ हो । चौथो र पाँचौं नम्बरमा सलमानका चलचित्र ‘टाइगर जिन्दा है’ र ‘बजरङ्गी भाइजान’ छन् ।
राजकुमार हिरानी निर्देशित चलचित्र ‘सञ्जू’ अभिनेता सञ्जय दत्तको जीवनीमा आधारित बायोपिक हो । जसमा रणवीर कपुर मुख्य भूमिकामा छन् ।
