एजेन्सी । इन्टरनेसनल च्याम्पियन्स कप फुटबलमा जर्मन क्लब बोरुसिया डर्टमन्डले इंग्लिस क्लब लिभरपुललाई पराजित गरेको छ । बोरुसियाले लिभरपुललाई ३–१ गोलअन्तरले पराजित गरेको हो ।
सोमबार विहान भएको खेलमा लिभरपुलमाथि बोरुसियाले सहज जित निकालेको हो । सुरुवाती अग्रता भने लिभरपुलले लिएको थियो । खेलको २५ औं मिनेटमा नै गोल गर्दै लिभरपुलले अग्रता बनाएपनि आफ्नो अग्रतालाई कायम गर्न नसक्दा हार्न पुग्यो । लिभरपुलका लागि भिर्गिल भान डिज्कले गोल गर्दै अग्रता दिलाएका थिए ।
पहिलो हाफमा १–० गोलअन्तरले पछि परेको बोरुसियाले दोस्रो हाफमा उत्कृष्ट प्रदर्शन गर्दै ३ गोल गर्न सफल भयो । खेलको ६६औं मिनेटमा क्रिष्टियन पलिसिकले पेनाल्टीबाट गोल गर्दै अग्रता दिलाएका थिए ।
दोस्रो हाफमा एकपछि अर्को आक्रमक खेल खेलेको बोरुसियाले खेलको ८९औं मिनेटमा गोल गर्दै लिभरपुलविरुद्ध २–१ गोलको अग्रता बनाएको थियो । यसबेला पलिसिकले ब्यक्तिगत दोस्रो गोल गरेका थिए । खेलको अन्तिम समयमा जाकोब ब्रुउन लार्सेनले गोल गर्दै बोरुसियालाई ३–१ गोलको जित दिलाएका हुन् ।