काठमाडौं । कोरियामा रहेका नेपाली कामदारका आफन्तले कोरियामै गएर भेट्न पाउने भएका छन् । सोमबार श्रम, रोजगार तथा समाजकल्याण मन्त्री गोकर्ण बिष्ट र कोरियाली राजदुत पार्क योङसिकबीच भएको भेटघाटमा कोरियाली राजदूतले कोमदारको आफन्तलाई कोरियामै गएर भेटघाट गर्न जाने अवसर मिलाइसकेको जानकारी दिएका हुन् ।
राजदूत योङसिकले मन्त्री बिष्टले गरेको आग्रहअनुसार केही कामदारका आफन्तले कोरियामै गएर भेटघाट गरेर पनि आइकेको जानकारी गराए । मन्त्री बिष्टले कोरियन राजदूतलाई कामदारको सम्झौता अवधिभित्र कोरिया मै आफ्ना परिवारका सदस्यलाई भेट्ने व्यवस्था गर्न आग्रह गरेका थिए ।
यसअघि मनत्री विष्टले कोरियामा रहेका नेपाली कामदारर्ला देखा परेको निराशा र आत्महत्याको समस्याको न्यूनिकरण गर्न कामदारको कामदारको भेटघाटको अवसर प्रदान गर्न आग्रह गरेका थिए ।
कोरिया सरकारले उल्लेखित व्यवस्थाका लागि तयारी पनि गरिरहेको श्रम, रोजगार तथा सामाजिक सुरक्षा मन्त्रालयले जनाएको छ ।
मन्त्री विष्टले यसअघि नेपाली युवाको लागि दक्षिण कोरिया आकर्षक रोजगारीको क्षेत्र रहेकाले कामदारको संख्या थप गर्न राजदुतलाई आग्रह गरेका छन् । मन्त्री विष्टको आग्रह बुझ्दै कोरियाली राजदुतले नेपाली कामदार इमानदार र मिहिनेती भएकाले कामदारको संख्या थप गर्ने साथै सेवा क्षेत्रमा समेत कामदार लैजाने प्रक्रियामा सहयोग गर्ने बताएका छन् ।
यसका साथै कोरिया जाने कामादारलाई त्यहाँको आवस्यकताअनुसार भाषा, शीप विकास गर्न सरोकारवाला मन्त्रालयबीच समन्वय गरेर जाने प्रतिवद्धता व्यक्त गरे । उनले संघीय सरकारको मातहतमा ३ वटा प्रतिष्ठान स्तरको शीप विकास केन्द्रको पुर्वाधार निर्माणमा कोरिया सरकारको सहोगको अपेक्षा गरेका थिए । प्रतिष्ठान स्तरका शीप विकास केन्द्रहरुको पुर्वाधार निर्माणमा कोरिया सरकारबाट आवश्यक सहयोग गर्ने प्रतिवद्धता योङसिकको छ ।
मन्त्री विष्टले नेपालमा रहने कोरियाली नागरिकलाई नेपाल बस्दा कुनै असुविधा नहुने विषयमा प्रतिवद्धता जनाए ।
सोमबार भएको भेटमा दुईपक्षले बैंकिङ माध्यमबाट विप्रषण स्वदेशमा ल्याउने प्रतिस्पर्धाका माध्यमबाट सुलभ दरमा कामदारहरुलाई हवाई सेवा प्रदान गर्ने विषयमा पनि छलफल गरेको मन्त्रालयले गरेको छ ।