एजेन्सी । बार्सिलोनाले स्पेनिस सुपर कपको उपाधि जित्दै सिजनको पहिलो उपाधि भित्र्याउन सफल भएको छ । बार्सिलोनाले सेभिल्लालाई २–१ गोलअन्तरले पराजित गर्दै उपाधि उचालेको हो । सोमबार बिहान भएको खेलमा बार्सिलोनाले सेभिल्लामाथि बार्सिलोनाले रोमाञ्चक जित निकालेको हो । बार्सिलोनाको जितमा जेरार्ड पिके र उसमान डेब्बेले समान १–१ गोल गरे । त्यस्तै, सेभिल्लाका लागि पाब्लो सरबियाले गोल गरेका थिए ।

९ औं मिनेटमा पाब्लो सरबियाले गोल गर्दै सेभिल्लालाई सुरुवाती अग्रता दिलाएका थिए । तर पहिलो हाफको अन्तिम समयमा सेभिल्लाले गोल खान पुग्यो । ४२ औ मिनेटमा बार्सिलोनाका जेरार्ड पिकेले गोल गर्दै १–१ गोलको बराबरीमा पुर्याएका थिए । 

पहिलो हाफमा १–१ गोलको बराबरीमा रोकिएको बार्सिलोनाले दोस्रो हाफमा थप १ गोल गर्दा यता, सेभिल्लाले भने पाएको पेनाल्टी पनि सदुपयोग गर्न सकेन । ७८औं मिनेटमा उसमान डेब्बेलेले गोल गर्दै बार्सिलोनालाई २–१ गोलको अग्रतामा पुर्याएका थिए । 

खेलको अन्त्यतिर सेभिल्ला पेनाल्टी पाएको थियो । सेभिल्लाका विसिम बेन येडरले प्रहार गरेको पेनाल्टी बार्सिलोनाका गोलकिपर स्टेगेनले रोकेपटि खेल २–१ गोलमा टुंगिएको हो ।