काठमाडौँ । गए रातिदेखि अविरलरूपमा परेको पानी अझै तीन दिन लम्बिने जलतथा मौसम विज्ञान विभागले जानकारी दिएको छ । विज्ञागले सार्वजनिक सूचना जारी गर्दै सोमबार दिउँसो र राति देशभर सामान्यदेखि पूर्ण बदली रही देशका धेरै जसो स्थानहरूमा हल्का देखी मध्यम खालको वर्षा हुने जनाएको हो ।

त्यस्तै दिउँसो पूर्व र मध्यका थोरै स्थानहरुमा र पश्चिमका एक–दुई स्थानमा भारि वर्षा हुने देखिन्छ विभागको पूर्वानुमान छ । राति पश्चिमका थोरै स्थानमा र मध्य र पूर्वका एक दुई स्थानमा भारि वर्षा हुने विभागले जनाएको छ । मंगलबार दिउँसो र राति देशभर सामान्य देखि पूर्ण बदली रही देशका केही स्थानहरूमा हल्कादेखि मध्यम खालको वर्षा हुने छ भने पश्चिमका थोरै स्थानहरुमा भारि वर्षाको संभावना विभागले औँल्याएको छ ।

यसैगरी बुधवार दिउँसो र राति देशभर सामान्यदेखि पूर्ण बदली रही देशका धेरैजसो स्थानहरूमा हल्कादेखि मध्यम खालको वर्षा हुने उसले बताएको छ ।

नदी तटीय क्षेत्र उच्च जोखिममा

पश्चिम राप्ती नदी कुशुममा विगत ३ घन्टामा ६० मिलिमिटर बर्षा र ६ घन्टामा करिब ११० मिलिमिटर बर्षा भएको जनाउँदै तल्लो तटीय क्षे उच्चा जोखिममा रहेको र सतर्कता अपनाउन बाढी पूर्वानुमान शाखाले जनाएको छ ।

त्यस्तै पूर्वमा अरूण र कोसी नदीमा पनि जलसतह बढेको छ । चतरानजिकै पानीको सहत खतरा सन्निकट पुगेको भन्दै शाखाले सतर्कता अपनाउन आग्रह गरेको छ ।

जलेश्वर कारागार डुबानमा

गजेन्द्रनारायण सिंह औद्योगिक क्षेत्र जलमग्न

दाङका सडक अवरुद्ध, देउखुरी जलमग्न