काठमाडौं । चलचित्र, बृत्तचित्र, विज्ञापन चलचित्र तथा विभिन्न सामाजिक सञ्जालमा प्रस्तुत हुने भिडियोहरुलाई मध्यजनर राख्दै ‘सोसियल मिडिया फिल्म अवार्ड–२०७५’ आयोजना हुने भएको छ । ड्रिम वर्ड अफ् फिल्म मेकस् प्रा.लि.ले अवार्ड गर्न लागेको हो ।
मुलधारका सिनेमा, गीत संगीत र म्युजिक भिडियोको अवार्ड भइरहेको बेला फरक धारको अवार्डका लागि सोसियल मिडिया फिल्म अवार्ड २०७५ आयोजना गर्न लागेको ड्रिम वर्ड अफ् फिल्म मेकस् प्रा.लि.की अध्यक्ष सवनम मुखियाले विज्ञप्ती मार्फत जानकारी दिइन् ।
मुखियाका अनुसार लघु चलचित्र, बृत्तचित्र, जनचेतना मुलक बिज्ञापन र सोसियल मिडियोमा आउने भिडियो विधामा यो अवार्ड हुने भएको हो । सर्ट फिल्म अन्तर्गत उत्कृष्ट छायाँकार, उत्कृष्ट सम्पादक, उत्कृष्ट अभिनेत्री, उत्कृष्ट अभिनेता र उत्कृष्ट निर्देशकको अवार्ड प्रदान गरिने छ ।
यस्तै बृत्तचित्र अन्तर्गत उत्कृष्ट बृत्तचित्र, जनचेतना मुलुक बिज्ञापन अन्तर्गत उत्कृष्ट पिएसए एड बिधामा अवार्डका लागि प्रतिस्पर्धा हुने छ ।
यस्तै सोसियल मिडिया अन्तरगत बेस्ट सोसियल मिडिया (फेसबुक, इन्टाग्राम, ट्विटर) भिजुअल, बेस्ट युट्युव भिडियो, बेस्ट च्यालेन्जिङ न्युज लाइभ, बेस्ट इन्करेजमेन्ट म्युजिकली, बेस्ट ट्रोल र पब्लिक च्वाईस अवार्ड प्रदान गरिने भएको छ । शोशियल मिडियासँग सम्बन्धि एक विशिष्ट व्यक्ति र एकजना सिने सञ्चारकर्मीलाई सम्मानित गरिने पनि आयोजक संस्थाकी अध्यक्ष मुखियाले जानकारी दिइन् ।
यो अवार्डमा सहभागी हुन चाहनेहरुका लागि फारम खुला गरिएको पनि सवनम मुखियाले जानकारी गराइन् । नेपालको पाहिलो महिला छायांकार मुखियाले फारम र सम्बन्धित विधामा भाग लिने बृत्तचित्र, लघु चलचित्र, जनचेतना मुलक बिज्ञापन, युट्युव भिडियो आदि जम्मा भएपछि यसको अडिसन निस्कासनसँगै सोसियल मिडियो फिल्म अवार्डको अवार्ड प्रदान गरिने जानकारी गराएकी छिन् ।