काठमाठौं । साफ यु–१५ महिला फुटबल च्याम्पियनसिपमा नेपाल समूह चरणको अन्तिम खेलमा पराजित भएको छ । नेपाल बंगलादेशसँग ३–० गोलअन्तरले पराजित भएको हो ।
थिम्पुस्थित चाङलिमिथाङ मैदानमा भएको खेलमा नेपाल बंगलादेशसँग पराजित हुँदै उपविजेता बनेर सेमिफाइनलमा प्रवेश गरेको छ । एक खेल खेल्नु अघि नै नेपाल र बंगलादेश सेमिफाइनलमा प्रवेश गरेका थिए ।
खेलको पहिलो हाफमा भने नेपालले बंगलादेशलाई गोलरहित बराबरीमा रोक्न सफल भएको थियो । तर दोस्रो हाफमा नेपाल सम्हालिन सकेन भने एक गोलमात्रै फर्काउन सकेन ।
खेलको ४६ औं मिनेटमा बंगलादेशका लागि तोहुरा खातुनले गोल गर्दै अग्रता दिलाएकी थिइन् । त्यसको ५ मिनेटपछि अर्थात ५१ औं मिनेटमा मारिया मान्डाले गोल गर्दै बंगलादेशको २–० गोलको अग्रता दिलाएकी थिइन् । शाजिदा खातुनले ६७ औ मिनेटमा गोल गर्दै बंगलादेशलाई ३–० गोलको जित दिलाएकी थिइन् ।
