काठमाडौं । नेपाली राष्ट्रिय क्रिकेट टिममा ब्याट्सम्यान बिनोद भण्डारी र अलरााउण्डर सागर पुनको पुनरागमन भएको छ । बिनोद भण्डारी र सागर पुन मलेसियामा हुने एसिया कप छनोट खेलको १५ सदस्यिय नेपाली टिममा छनोट हुन सफल भएका हुन् ।
मलेसियामा अगस्ट २७ देखि सेप्टेम्बर ६ सम्म चल्ने प्रतियोगिताका लागि १५ सदस्यिय नेपाली क्रिकेट टिमको घोषणा गरेको हो । बिनोद र सागरसँगै कप्तान पारस खड्का, उप—कप्तान ज्ञानेन्द्र मल्ल, अनिल कुमार शाह, बसन्त रेग्मी, बिनोद भण्डारी रहेका छन् ।
त्यसैगरी, दिपेन्द्रसिंह ऐरी, ललित भण्डारी, ललित नारायण राजवंशी, आरिफ शेख, रोहित कुमार पौडेल, सागर पुन, सन्दीप लामिछाने, सोमपाल कामी र सुवास खकुरेल रहेका छन् ।
वैकल्पिक खेलाडीमा किशोर महतो, प्रदीप ऐरी, सुनिल धमला र सुशान भारी छन् । विनोद र सागरले २०१७ डिसेम्वरमा डब्लूसीएल अन्तर्गत यूएईसँग खेलेपछि राष्ट्रिय टोलीमा पुनरागमन गरेका हुन् । खराब प्रदर्शनपछि नामिबियामा गत फेबु्रअरीमा भएको डिभिजन टू देखि यी दुई खेलाडी टिम बाहिर थिए ।
नेपाली क्रिकेट टिम अभ्यास खेलका लागि अगस्ट २० मा श्रीलंका प्रस्थान हुनेछ भने श्रीलंकाबाटै एीसया कप छनोटका लागि मलेसियातर्फ लाग्नेछ ।
