ललितपुर । महिला अधिकारको लागि स्वयंको सजगता, हिंसाको प्रतिरोध, समाजमा नारी पुरुषको समान दायित्वबोध र शिक्षा तथा चेतनाको विकासले महिलाहरु उच्चतम तहमा पुगेको जस्ता विषयमा लेखिएका कथालाई लिएर हालै ललितपुरमा अन्तरक्रिया कार्यक्रम सम्पन्न भयो । 
नेपाल भाषा परिषदको आयोजनामा सम्पन्न उक्त गोष्ठीमा कथाकारहरु मोतीलक्ष्मी शाक्य, मनदेवी तण्डुकार, रेवती राजभण्डारी, निजिरोस न्याछ्यों, सरस्वती तुलाधर, रेणु श्रेष्ठ, मीना बज्राचार्य, अमिरमैयाँ रञ्जित र नलि बज्राचार्यले नारी समस्यामाथि केन्द्रित भएर लेखिएका समसामयिक कथा वाचन गरे ।
कार्यक्रमकी प्रमुख अतिथि कथाकार जलेश्वरी श्रेष्ठले महिलाहरुले आफ्ना समस्याहरुका बारे सशक्त ढंगले प्रस्तुत गर्न हिचकिचाउन नहुने बताइन् । 
परिषदका सचिव तथा कथाकार धु्व मधिकर्मीले कथाहरुका बारेमा गोष्ठी तथा अन्तरक्रियाले लेखनमा परिमार्जन र समसामयिकता थपिने बताए । 
परिषद्का अध्यक्ष प्रा. सुवर्ण शाक्यको सभापतित्वमा भएको सो गोष्ठीमा कवि नवीन चित्रकार, पुष्परत्न तुलाधर, निर्मल बज्राचार्य र भवानी तुलाधर लगायतले बोलेका थिए ।