बीबीसी । तपाईंले आफ्नो घरमा बालबालिका र चुरोटलाई एकै साथ प्रेम गर्न सक्नु हुन्न । यदि भलो चाहनुहुन्छ भने तपाईंले यी दुई मध्ये कुनै एकलाई छा्ड्नुपर्ने हुन्छ ।
अमेरिकामा गरिएको एक अध्ययनले चुरोट पिउने आमा–बुवाका साथ हुर्किएका बालबालिकाहरुमा फोक्सोको बिरामी हुन सक्ने देखाएको छ । ‘पेसिव स्मोकिङ’ का कारण बालबालिकाहरुमा उक्त बिरामी हुन सक्छ । ‘पेसिव स्मोकिङ’ भनेको कुनै एउटा व्यक्तिले चुरोट पिउदै गरेको समयमा उसको वरिपरीका मानिसहरुले विना कसुर धुँवा लिनु भन्ने बुझिन्छ ।
अध्ययनकर्ताहरुले चुरोट पिउने प्रति एक लाख वयस्कको मृत्युमा सात अन्य मृत्युहरु ‘पेसिव स्मोकिङ’ का कारण हुने बताएका छन् । अमेरिका क्यान्सर सोसाइटीको अध्ययनमा ७० हजार ९०० जना चुरोट नपिउने पुरुष र महिलाहरुलाई सहभागी गराइएको थियो । उनीहरुका आमा–बुवा भने चुरोटका अम्मली थिए ।
अध्ययनका क्रममा स्मोकिङको लतका शिकार आमा–बुवाका साथ हुर्के बढेका बालबालिकाहरुमा भिन्नै प्रकारको बिरामी हुन सक्ने तथ्य फेला परेको छ ।
बालबालिकाले हप्तामा १० अथवा त्योभन्दा बढी घण्टा चुरोटको धुँवामा विताउनु परे उनीहरुमा मुटुको समस्या देखिने सम्भावना २७ प्रतिशत बढी हुने गर्दछ । त्यस्तै मस्तिष्कघातको सम्भावना २३ प्रतिशत र फोक्सोमा संक्रमण देखिने सम्भावना ४२ प्रतिशत बढी रहन्छ ।
यसको तुलना चुरोट नपिउने आमा–बुवाका सन्तानहरुसँग गरिएको थियो । अध्ययनमा चुरोट पिउने आमा–बुवाका साथ रहने बालबालिकामा श्वासप्रश्वासको समस्या हुने र फोक्सोको विकास प्रभावित हुन सक्ने उल्लेख छ ।
https://www.bbc.com/hindi/science-45239148