बीबीसी । न्युजिल्यान्डकी महिला मन्त्री साइकल चलाएर बच्चा जन्माउन अस्पताल पुगेकी छिन् । कारमा बस्नका लागि पर्याप्त ठाउँ नभएपछि महिला मन्त्री जुली जेन्टर साइकल चलाएर आफ्नो पहिलो बच्चा जन्माउन अस्पताल पुगेकी हुन् । 

ग्रीन पार्टी निकट जुली जेन्टर ४२ हप्ता अर्थात ९ महिनाकी गर्भवती छिन् । उनले पतिका साथ आफ्नो तस्बिर इन्स्टाग्राममा पोस्ट गरेर लेखेकी छिन्, ‘‘आइतबारको सुन्दर बिहानी ।” यसैवर्षको जुन महिनामा न्युजिल्याण्डकी प्रधानमन्त्री जैसिन्दा आर्डर्न प्रधानमन्त्रीका रुपमा बच्चा जन्माउने विश्वकै दोस्रो महिला बनेकी थिइन् । 

प्रधानमन्त्री आर्डर्नले बच्चा जन्माउन रोजेको आकल्याण्ड सिटी सरकारी अस्पताललाई नै मन्त्री जुली जेन्टरले पनि बच्चा जन्माउनका लागि रोजेको बीबीसीले जनाएको छ । ३८ वर्षियाा जेन्टर न्युजिल्याण्डकी उप–यातायात मन्त्री हुन् । उनी ‘साइकिलिङ’ प्रेमीका रुपमा चिनिन्छिन् । 
https://www.bbc.com/hindi/international-45241689