खेल
काठमाडौं । जारी एसियाली खेलकुद प्रतियोगितामा नेपालका पौडी खेलाडी शिरीष गुरुङले पुरुष ५० मिटर फ्रिस्टायलमा ४६ औं स्थान हात पारेका छन् । जकार्तामा भएको उक्त स्पर्धामा शिरीष सहित ५१ खेलाडी सहभागी थिए ।
पौडीका ५१ खेलाडी सहभागि स्पर्धामा शिरीषले निर्धारित दूरी २६.३३ सेकेन्डमा पूरा गरे । ७ खेलाडीले भाग लिएको दोश्रो हिटमा भने शिरीष तेश्रो स्थानमा रहे ।
यो स्पर्धाको राष्ट्रिय कीर्तिमान शिरीषकै नाममा छ । उनको नाममा २५.८८ सेकेन्डको राष्ट्रिय कीर्तिमान छ ।
बिहीबार शिरीषले १ सय मिटर फ्रिस्टायलमा प्रतिस्पर्धा गर्नेछन् । त्यसअघि बुधबार गौरिक सिंहले २ सय मिटर फ्रिस्टायल र शुभम् श्रेष्ठले १ सय मिटर ब्रेस्टस्ट्रोकमा सहभागिता जनाउने छन् ।
प्रकाशित मिति: मंगलबार, भदौ ५, २०७५ १३:५९
प्रतिक्रिया दिनुहोस्