काडमाडौं । एसियाली फुटबल महासंघ (एएफसी) ले एएफसी यु—१६ महिला च्याम्पियनसिप छनोट खेलको नयाँ खेल तालिका सार्वजनिक गरेको छ । यसअघि समूह ई मा रहेको सिरियाले आफ्नो नाम फिर्ता गरेपछि एएफसीले नयाँ खेल तालिका सार्वजनिक गरेको हो ।
एएफसीले सार्वजनिक गरेको नयाँ खेल तालिकाअनुसार नेपालले आफ्नो पहिलो खेल फिलिपिन्ससँग खेल्नेछ । नेपालमा हुने छनोट खेल काठमाडौं स्थित एपीएफ क्लबको हलचोक मैदानमा सेप्टेम्बर १९ देखि सेप्टेम्बर २३ सम्म चल्नेछ ।
छनोट खेलमा समूह ई मा नेपाल सहित फिलिपिन्स, मलेसिया र म्यानमार रहेका छन् ।
काठमाडौंमा हुने छनोट खेलमा नेपालले आफ्नो पहिलो खेल सेप्टेम्बर १९ मा फिलिपन्ससँग खेल्नेछ । त्यस्तै, दोस्रो खेल सेप्टेम्बर २१ मा म्यानमारसँग र अन्तिम खेल सेप्टेम्वर २३ मा मलेसियासँग खेल्नेछ । यू–१६ महिला च्याम्पियसिपका सन् २०१९ मा थाइल्यान्ड आयोजना हुनेछ ।
