काठमाडौं । नेपालमा अनलाईनबाट बस टिकट बिक्री गर्दै आएको बससेवा डटकम र थाइल्यान्डको ट्राभल कम्पनी टुवेल्भ गो गु्रपबीच अनलाइन बस टिकट विक्री गर्ने विषयमा सम्झौता भएको छ । सम्झौतासँगै टुवेल्भ गो गु्रपको उपस्थिती रहेका सबै मुलुकबाट नेपालका अधिकांश गन्तव्यको बस टिकट अनलाइनबाटै काट्न मिल्ने भएको हो ।
सम्झौतापत्रमा बससेवा डटकमका प्रमुख कार्यकारी अधिकृत पीआर खनाल र टुवेल्भ गो गु्रपका निर्देशक तथा प्रमुख कार्यकारी अधिकृत एलेक्सी एबोलमासोभले हस्ताक्षर गरे ।
सम्झौतासँगै टुवेल्भ गो गु्रपको सेवा रहेका थाइल्यान्ड, भारत, मलेसिया, सिंगापुर भियतनाम, फिलिपिन्स्, कम्बोडिया, लाओस, म्यानमार लगायत देशबाट नेपालका विभिन्न गन्तव्यको टिकट काट्न सकिने भएको हो ।
यो सम्झौताबाट ती मुलुकमा रहेका नेपाली र नेपाल घुम्न आउने पर्यटकले विदेशबाटै यहाँको टिकट काट्न सक्ने भएका हुन् । सम्झौतापछि बससेवा डटकमका सिइओ पीआर खनालले नेपालको पर्यटन विकासको लागि यो सम्झौता महत्वपूर्ण हुने बताए । बससेवा डटकम नेपालको एकमात्र अनलाइन बस टिकटिङ माध्यम हो ।
