काठमाडौं । टाटा मोटर्स कार मेलाको सिजन ६ सम्पन्न भएको छ्र । टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङले वार्षिक रुपमा आयोजाना गर्दै आइरहेको कार मेलामा ३ हजार भन्दा बढी दर्शकले अवलोकन गरेका हुन् ।

कार मेलामा अवलोकनाकर्ताले टाटाका विभिन्न कारबारे जानकारी लिई टेस्ट ड्राइभ लगायत मनोरन्जनात्मक कार्यक्रममा सहभागी भएका थिए ।

आयोजकका अनुसार कार मेलामा सहभागीमध्ये ६ सयभन्दा बढीले टाटाका विभिन्न मोडलका गाडीको टेस्ट ड्राइभ गरेका थिए । जस मध्ये ९८ जनाले नयाँ गाडी बुकिङ गरेका छन् । त्यसैगरी ४५० भन्दा बढी ग्राहकले एक्सचेन्जका लागि आफ्नो पुरानो गाडीको मुल्यांकन गराएका छन् ।

कार मेला सिजन ६ का मुख्य आकर्षणमा टाटा प्यासेन्जर गाडीको वृहत प्रदर्शनी, एक्सेन्ज सुविधा, अन द स्पट फाइनान्स र बीमा सुविधा, टेस्ट ड्राइभलगायत विभिन्न सांगितिक एवम् मनोरन्जनात्मक कार्यक्रम रहेका थिए । मेलामा सहभागीले होलिडे प्याकेज फ्रि सर्भिसिङ, फ्रि इन्धनलगायत उपहार प्राप्त गरेका छन् ।