site stats
बाह्रखरी :: Baahrakhari
विचार
Nabil BankNabil Bank
Sarbottam CementSarbottam Cement
Ghorahi CementGhorahi Cement
‘पहिले भूकम्पपीडितलाई बास दिऊँ, अनि मात्र जनप्रतिनिधिलाई गास दिऊँ’

धनराज गुरुङ

(सांसद, नेपाली कांग्रेस)

व्यवस्थापिका–संसद्का सदस्यहरूको तलबवृद्धिको प्रस्ताव अगि बढेको छ । अहिलेको मुलुकको अवस्थालाई ख्यालै नगरी यो प्रस्ताव अगि सारिएको देखियो ।

Agni Group

मुलुकको आर्थिक अवस्था निकै दयनीय अवस्थामा पुगेको छ । भूकम्प र नाकाबन्दीका कारण मुलुकको स्थिति बिग्रँदो अवस्थामा पुगेको हो । आर्थिक वृद्धिदर ऋणात्मकमा पुग्ने अवस्था छ । सायद यस्तो बिग्रँदो परिस्थिति नेपालको इतिहासमा यसअगि कहिल्यै थिएन । हामी अहिले पुँजीनिर्माण र पुनर्निर्माणमा लाग्नुपर्नेछ । विकराल अवस्थामा अहिले पनि भूकम्पपीडितहरू बडा अप्ठेरामा छन् । हामीले उनीहरूलाई राहत पुर्याउन सकेका छैनौं । भूकम्पपीडितहरूले घोषित राहत समेत पाउन सकेका छैनन् । यस अवस्थामा जनप्रतिनिधिहरूले जबाफदेहिता र कर्तव्यबोध सम्झनुपर्छ । सारा कुरा बिर्सेर जनप्रतिनिधिहरूले नै आफ्नै सुविधाहरू वृद्धि गर्ने प्रस्ताव अगि सार्न मिल्दै मिल्दैन । यो स्वागतयोग्य कुरा हुनै सक्दैन । अहिले त्यसो गर्नै हुँदैन । राजनीति मुलुक र जनताप्रति नै समर्पित हुनुपर्छ । संवेदनशीलताका साथ मुलुकनिर्माणमा लाग्नुपर्ने वेला आफ्नै तलब बढाएर बस्न सुहाउँदैन ।

संसद् र संसदीय दलमा पनि कुरा गर्छु

Global Ime bank

हामीले कुनै पनि निर्णय सामूहिक ढंगबाट लिनुपर्छ । यो अत्यन्त गम्भीर विषय हो । हामीले घोषणा नगरे पनि मुलुक यति वेला आर्थिक संकटग्रस्त अवस्थामा छ । त्यसो भएको हुनाले यो जनता र सिंगो मुलुकसँग जोडिएको विषय हो । यो जनप्रतिनिधिहरू गम्भीर हुनुपर्ने वेला हो । त्यसैले पनि एकांकी ढंगबाट सरकारले निर्णय गरेर वा कुनै प्रतिनिधिहरू बसेर तलब बढाइनु हुँदैन । आ–आफ्ना संसदीय दल र सिंगो संसद्मा पनि यस विषयलाई हामीले छलफल गरेर मात्र टुंगोमा पु¥याउनुपर्छ । सिंगो संसद्मा छलफल हुँदा अहिलेको परिस्थितिमा सबै सांसदहरू सु–सूचित हुने मौका पनि प्राप्त हुन्छ । कति सांसदहरूले यसबारेमा आफ्ना धारणा पनि राख्न पाउनुहुन्छ । आ–आफ्ना दृष्टिकोण राखेर मात्रै निर्णय गर्दा राम्रो हुन्छ । सबैबीचमा छलफल गरेपछि मात्र निर्णयमा पु¥याउनुपर्छ ।

भूकम्प र नाकाबन्दी मात्रै होइन

मुलुक अत्यन्त अप्ठेरो परिस्थितिबाट गुज्रिएको छ । कमै अवस्थामा मात्र यस्तो परिस्थिति आउँछ । पाठकहरूलाई एउटा याद दिलाउन चाहन्छु– २०१६ सालमा बीपी कोइराला प्रधानमन्त्री हुँदा अहिलेको भन्दा आर्थिक अवस्था राम्रो थियो होला । अरू देशको तुलना गर्दा झनै राम्रो थियो । मुलुकनिर्माणका लागि हामी डट्नुपर्छ भनेर उहाँले आफैं प्रधानमन्त्री हुँदा २५ सय भएको तलब घटाएर १५ सय बनाउनुभयो । मन्त्रीहरूको १५ सय तलब घटाएर एक हजारमा झार्नुभएको थियो । हामी बीपीका अनुयायी पनि हौं । आर्थिक अवस्था झनै कठिन छ । अरूका तुलनामा हामी निकै कमजोर छौं, खराब अवस्थामा पुगेका छौं । यस अवस्थामा हामीले अप्ठेरामा परेका नागरिकको उद्धार गर्नुपर्छ । घरमा खाने कुरा नहुँदा पहिले बालबच्चालाई खुवाएर बाआमाले खाने गर्छन् । मुलुकको अभिभावकले पहिले आफैं खान मिल्दैन । भूकम्पपीडित च्यातिएको पालमुनि बसेको वेलामा उनीहरूलाई पहिले वास दिने कि हामीले पहिले गास खाने ? त्यसैले उनीहरूले वास पाएका छैनन् भने पहिले भूकम्पपीडितलाई वास दिऊँ अनि जनप्रतिनिधिलाई गास दिऊँ ।

तर अहिले त पहिले जनप्रतिनिधिलाई गास दिऊँ, पीडितलाई बास नदिऊँ जस्तो बनाइएको छ । हामीले देश र जनताप्रतिको जबाफदेहिता बिर्सनु हुँदैन ।

सरकारसँग जोडिएको विषय होइन

केहीले यसलाई सरकारसँग जोडेर पनि हेरेका छन्, तर त्यस्तो होइन । सत्तासँग यो विषय जोडिएको छैन । सत्तासञ्चालकहरू मुलुकप्रति गम्भीर देखिएनन् । सत्तापक्षको कामकारबाही हेर्दा ऊ कतव्र्यविमुख भएको देखिन्छ । सरकारले सत्ता टिकाउने, राज्यसंयन्त्रले आफू भोजभतेरमा मस्त हुने र जनतालाई चिन्ता मात्र देखाउने परिपाटी बन्द हुनुपर्छ ।

(कुराकानीमा आधारित)

NIBLNIBL
प्रकाशित मिति: मंगलबार, असार ७, २०७३  ११:१६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC