काठमाडौं । राष्ट्रपति विद्यादेवी भण्डारीले आफ्नी आमा मिथिला पाण्डेको हातबाट टिका लगाएकी छन् । राष्ट्रपति भवन शितल निवासमा शुक्रबार बिहान ९ः५१ को शुभसाइतमा आफ्नी आमा मिथिला पाण्डेको हातबाट उनले टिका र जमरा ग्रहण गरेकी हुन् ।
त्यसैगरी उनले काका जयन्त पाण्डेको हातबाट पनि टीका र जमरा ग्रहण गरिन् । त्यसअघि राष्ट्रपतिले हनुमानढोकास्थित दशै घरका मुल पुजारी देवराज अर्यालको हातबाट नवदुर्गा भवानीको प्रसाद स्वरुप टीका जमरा ग्रहण गरेकी थिइन् ।
राष्ट्रप्रमुखलाई दसैं घरका मुल पुजारीले दुर्गा भवानीको प्रसाद स्वरुप टिका र जमरा लगाईदिने परम्परा छ ।
आफुले टिका जमरा लगाएपछि राष्ट्रपति भण्डारीले आफ्ना छोरी ज्वाईलाई टिका र जमरा लगाइदिएकी थिइन् । त्यसैगरी परिवारका अन्य सदस्यलाई पनि टीका र जमरा लगाइन् ।
राष्ट्रपति भण्डारीले अपरान्ह १ बजे प्रधानमन्त्रीलाई र अपरान्ह ३ बजे पछि सर्वसाधारणका लागि टिका लगाइदिँदै छिन् ।