एजेन्सी । रोस बार्कलीले इन्जुरी समयमा गरेको गोलमा चेल्सीले घरेलु मैदानमा म्यानचेस्टर युनाइटेडसँग २–२ को बराबरी खेल्दै अपराजित यात्रालाई १३ खेलसम्म कायम राखेको छ ।
एन्टोनी रोड्रीगरको गोलबाट चेल्सीले पहिलो हाफमा एक शुन्यको अग्रता लिएको थियो । विलियानको पासलाई सदुपयोग गर्दै रोड्रिगरले २१औ मिनेटमा घरेलु टोलीलाई अग्रता दिएका थिए । दोस्रो हाफमा उत्कृष्ट पुनरागमन गरेको युनाइटेडका एन्थोनी मार्सियालले दुई गोल गर्दै भ्रमणकारी टोलीलाई जिततर्फ डोर्याएका थिए ।
५५औं मिनेटमा बराबरी गोल फर्काएका ममार्सियालले ७३औ मिनेटमा अग्रता दिएका थिए।
तर रेफ्री माइक डिनले अन्तिम सिटी बजाउनु अघि बार्कलीले गोल गर्दै चेल्सीलाई १ अंक दिलाए ।
अगष्टमा भएको कम्युनिटी सिल्डमा म्यानचेष्टर सिटीसँग २(० ले हारेपछि चेल्सी पराजित भएको छैन । पछिल्लो १३ खेलमा चेल्सीको यो चौथो बराबरी हो । ९ खेलबाट २१ अंक जोडेको चेल्सी दोस्रो स्थानमा छ भने युनाइटेड नवौं स्थानमा छ ।