काठमाडौं । काठमाडौंका विभिन्न स्थानबाट ३ लाख ७० हजार नक्कली नेपाली नोटसहित ५ जना पक्राउ परेका छन् । उनीहरुको साथबाट नक्कली पैसा छाप्ने मेसिनसमेत बरामद भएको छ । ‘‘पक्राउ परेकाहरु सबै एउटै समूहका हुन् । बरामद भएका सबै नोटहरु १ हजारका छन् । थप अनुसन्धान भइरहेको छ,’’ महानगरिय प्रहरी परिसर काठमाडौंका एसएसपी वसन्त लामाले भने । परिसरले आइतबार (आज) दिउँसो पत्रकार सम्मेलनमार्फत् विस्तृत विवरण सार्वजनिक गर्ने बताएको छ ।