एजेन्सी । श्रीलंकाविरुद्धको दोस्रो टेष्टमा इङग्ल्यन्डले मध्यम सूुरुआत गरेको छ । भ्रमणकारी इङ्ल्यान्डले पहिलो दिन २ सय ८५ रन बनाउँदा सबै विकेट गुमायो । पालेकेले अन्तर्राष्ट्रिय क्रिकेट रंगशालामा टस जितेर ब्याटिङ थालेको इङ्ल्यान्डका लागि जोश बुटलर र साम कुरानले अर्धशतक बनाए । अलराउन्डर कुुरानले ६४ रन बनाउँदा बुटलरले ६३ रन जोडे ।
ओपनर रोरी बर्नसले ४३ रन बनाए भने एडिल रसिदले ३४ रन बनाउनुबाहेक अन्यले राम्रो प्रदर्शन गर्न सकेनन् । बेन स्टोक्स १९ रनमा पवेलियन फर्किदा कप्तान जोए रुट १४ रनमा आउट भए । श्रीलंकाका दिलरुवान परेराले ६१ रन दिएरु ४ विकेट लिँदा मलिन्दा पुुष्पकुुमाराले ३ विकेट लिए । अकिला धनन्जयको नाममा २ तथा सुराङ्ग लकमलको नाममा १ विकेट रह्यो ।
पहिलो दिनको खेल सकिदाँ १ विकेट गुमाएको श्रीलंका २६ रन बनाएर खेलिरहेको छ । घरेलु टोलीका डिमुुथ करुणारत्ने(१९) र पुुष्पकुुमारा(१) क्रिजमा छन् । कुशल सिल्भा(६) लाई ज्याक लिचले बोल्ड गरे । पहिलो टेस्ट इङ्ल्यान्डले २ सय ११ रनले जितेको थियो ।