निर्मला पन्तका बुवाआमा बिरामी, सरकारद्वारा बेवास्ता

निर्मला पन्तका बुवाआमा बिरामी, सरकारद्वारा बेवास्ता

काठमाडौं । कञ्चनपुरकी १३ वर्षीय किशोरी निर्मला पन्तलाई न्यायको माग गर्दै गएको आइतबारदेखि जिल्ला प्रशासन कार्यालय कञ्चनपुर अगाडि धर्नामा बसेका बाबु र आमा बिरामी परेका छन् ।  परिवारका अन्य सदस्यले बाह्रखरीलाई जानकारी गराएअनुसार चिसोका कारण दुवै जनाको स्वास्थ्य अवस्था बिग्रिएको छ भने बाबु निकै नै अस्वस्थ भएका छन् । उनीहरु धर्नामा बसेको  शुक्रबार छैठौं दिन हो । 

चिसोका कारण निर्मलाका बाबु यज्ञराजलाई रुघाखोकी लाग्नुका साथै ज्वरोसमेत आएको छ  । आमा दुर्गादेवीको पनि स्वास्थ्य अवस्था कमजोर भएको परिवारका सदस्यहरुले बताएका छन् । 

पीडित परिवारलाई चिसोको समश्या देखिएपछि बिहीबार स्वास्थ्यकर्मीको टोली धर्नास्थलमा पुगेर स्वास्थ्य परीक्षण गरेको थियो । आमा दुर्गादेवीले बाह्रखरीसँगको कुराकानीमा छोरीको न्यायको लागि आफूहरु धर्नामा बस्दा पनि राज्यले सुनुवाई नगरेको गुनासो गरिन् ।
धर्नाको पाँचौं दिन सम्मपनि सरकारका कुनैपनि व्यक्ति आएर आफूहरुको माग बारेमा नसोधेको जनाइन् । निर्मलाका पिता यज्ञराजको रक्तचाप  घटेर ६७ पुगेको चिकित्सकको भनाई छ । 

कमजोरी र समयमै खाना नखाएका कारण निर्मलाका बाबुको स्वास्थ्य अवस्था एकदमै बिग्रिएको महाकाली अञ्चल अस्पतालका डा. किशोर बोहराले सञ्चारकर्मीहरुलाई जानकारी दिएका छन् ।

“समयमै खानपिन नहुँदा र अनिंदोका कारण बाबुको अवस्था निकै कमजोर छ,” डा. बोहराले भने “उहाँमा ज्वरो पनि देखिएको छ । हामीले रगत र पिसाब जाँचका लागि प्रयोगशालामा पठाएका छौ ।” निर्मलाका बाबुले आफूहरुले न्याय माग्दा पनि सरकारले उपेक्षा गरेको आरोप लगाए ।

“हामीले अरु केहि मागेका होइनौं,” यज्ञराजले भने “न्याय माग्दा त यो अवस्था छ । मौन बसे कसरी न्याय मिल्छ होला ?,”उनले बाह्रखरीसँग भने । 

निर्मलाको स्वास्थ्य अवस्था बिग्रेपछि कञ्चनपुरका प्रमुख जिल्ला अधिकारी तारानाथ अधिकारी र जिल्ला प्रहरी प्रमुख कुबेर कडायतले विहीबार धर्ना स्थलमा पुगेर पीडित परिवारको स्वास्थ्य अवस्था बुझेका थिए ।

यसैबीच, प्रहरीले निर्मलाको हत्याको  घटनामा शंकाको घेरामा रहेका चार जना व्यक्तिको डीएनए रिपोर्ट आज शुक्रबार सार्वजनिक गर्ने जनाइएको  छ । विधि विज्ञान प्रयोगशालाबाट सो रिपोर्ट बिहीबार साँझ कञ्चनपुर पुगेकाले आज शुक्रबार सार्वजनिक गरिने प्रहरीले जनाएको छ । 
तस्बिर : रासस
 

प्रतिकृया दिनुहोस

संबन्धित समाचार

‘विकासको जग बसाल्न सरकार सफल’

दमौली । गण्डकी प्रदेशका मुख्यमन्त्री पृथ्वीसुब्बा गुरुङले एक वर्षको अवधिमा प्रदेश सरकार विकासको जग बसाल्न सफल भएको बताएका छन् ।

घाइतेलाई भेटे प्रचण्ड, गृहमन्त्री र प्रहरी प्रमुखले, उपचार खर्च सरकारले बेहोर्ने

काठमाडौं । लिलितपुरको भैंसेपाटीमा शुक्रबार साँझ भएको बम विष्फोटका घाइतेलाई पूर्वप्रधानमन्त्री पुष्पकमल दाहाल प्रचण्ड, गृहमन्त्री रामबहादुर थापा र प्रहरी प्रमुख

निर्मला पन्तका बुवाले भने–प्रमाण मेटाउनेलाई उन्मुक्ति दिने वातावरण सिर्जना गर्ने गिरोह सक्रिय छ

भीमदत्तनगर । कञ्चनपुरको भीमदत्तनगरपालिका–२ का १३ वर्षीया निर्मला पन्तका बुबाआमाले लामो समयदेखि बस्दै आएको धर्ना कार्यक्रम स्थगन गरेका छन् ।

युवा वैज्ञानिक सम्मेलन र अनुसन्धानका लागि प्रदेश सरकारसँग सम्झौता 

काठमाडौं । त्रिभुवन विश्वविद्यालय अन्तर्गत रहेका व्यवहारिक विज्ञान तथा प्रविधि अनुसन्धान केन्द्र (रिकास्ट) र जल तथा मौसम विज्ञान केन्द्रीय विभागले