काठमाडौं । सिङगिङ रियालिटी शो ‘भ्वाइस अफ नेपाल’बाट सुरज तामाङ र शानिध्य थापा बाहिरिएका छन् । सुरज टिम प्रमोदबाट थिए भने सानिध्य टिम सनुपबाट भ्वाइसमा थिए ।
यस्तै भोटमा गएका टिम प्रमोदबाट श्रृजे थपलिया र टिम सनुपबाट शैलेश्वरी आरएल सिंह अघिल्लो चरणमा प्रवेश गरेका छन् । शनिबारबारको प्रस्तुती हेरेर दर्शकले गरेको भोटका आधारमा प्राप्त रिजल्ट आइतबारको भ्वाइसको श्रृखंलामा सुनाइएको थियो ।
यसअघि अघिल्लो श्रृंखलाबाट ऋत राना मगर र तेजेन्द्र गन्दर्भ बाहिरिएका थिए । टिम अभयाबाट ऋत राना मगर र टिम प्रमोदबाट तेजेन्द्र गन्दर्भ बाहिरिएका थिए ।
गतहप्ताको प्रस्तुतीका आधारमा दर्शकले गरेको भोटका आधारमा उनीहरु बाहिरिएका हुन् । ऋत र तेजेन्द्र बाहिरिदा उनीहरुसँगै भोटमा गएका टिम अभयाबाट श्रेया राई र टिम प्रमोदबाट सुरेखा क्षेत्री भने सुरक्षित भएका थिए ।