काठमाडौं । मंसिर २८ गते रिलिज हुने चलचित्र ‘सुश्री सम्पति’ को पोस्टर सार्वजनिक गरिएको छ । सार्वजनिक पोस्टरमा फिल्मका तीन मुख्य कलाकार अटाएका छन् । सलोन बस्नेत, सारा सिर्पाली र बिनोद न्यौपाने पोस्टरमा फिचर्ड छन् । 

पोष्टप्रोडक्सनमा रहेको चलचित्रको ट्रेलर यही साता रिलिज हुँदैछ । चलचित्र ‘सुश्री सम्पति’ लाई रङ्ग पत्रकार सुव्रत आचार्यले निर्देशन गरेका हुन् । 

चलचित्रमा सलोन, सारा र बिनोदसँगै राजाराम पौडेल, विशारद बस्नेत, सुनिता श्रेष्ठ ठकुरीलगायतका कलाकारको अभिनय रहेको छ । प्रियंका कार्की विशेष भूमिकामा छिन् ।