काठमाडौं । खेमराज लामिछानेको नेतृत्वलाई निरन्तरता दिँदै नेपाली खेलुकद तथा सांस्कृतिक समाज रसियाको साधारणसभा सम्पन्न भएको छ ।
विदेशमा रहेर नेपाली कला, संस्कृति र खेल जगतको प्रवद्र्धन गर्ने उद्देश्यका साथ २००३ मा स्थापना भएको समाजको अध्यक्षमा लामिछानेकै निरन्तरता हुँदा वरिष्ठ उपाध्यक्षमा एनआरएन रसियाका अध्यक्ष रामेश्वर गौतम निर्वाचित भए । आइतबार मस्कोमा सम्पन्न साधारणसभाले सबै पदमा सर्वसम्मत नेतृत्व चयन गर्दा उपाध्यक्षमा एकनारायण चापागाई, मनमुर्ति भुर्तेल र गणेश रामदास चुनिए । महासचिवमा गोविन्दप्रसाद आचार्य चुनिँदा सचिवमा तेजप्रसाद शाह तथा कोषाध्यक्षको जिम्मेवारी सुमन रिजालले पाए । त्यस्तै सदस्यहरुमा दुर्गा भट्टराई, सञ्जिव शर्मा, इन्द्र भुषाल, भुपेन्द्र चौधरी, तिलक तिवारी, धनराज मोक्तान, रामबाबु पाण्डे र किरण रानाभाट चुनिए ।
यसैगरी समाजको संरक्षक समितिमा एनआरएनएका केन्द्रिय महासचिव बद्री केसी, एनआरएनए युरोपका उपसंयोजक गोविन्दप्रसाद गौतम, शिवमणि भुर्तेल, उत्सवकुमार अमात्य र रोशनकुमार पोखरेल चयन भएका छन् । रसियाका लागि नेपाली राजदुत ऋषिराम घिमिरेको प्रमुख आतिथ्यमा सम्पन्न साधारणसभाले सल्लाहकार समितिमा विमला भण्डारी, केशव तिमल्सिना, भारत झा, राजकुमार पाण्डे र प्रविण गौचनलाई चयन गर्यो ।
अध्यक्षमा पुनः निर्वाचित भएका लामिछानेले नेपालको खेलकुद तथा सामाजिक क्षेत्रको विकासका लागि समाजले अझै सक्रिय भएर लाग्ने प्रतिबद्धता जनाएका छन् । “मलाई फेरी विश्वास गर्नुभयो, यसका लागि सबै सदस्यहरुप्रति धन्यवाद दिन चाहन्छु । आगामी दिनमा नेपालको समाज र खेलकुदको विकासमा थप योगदान गर्ने तपाईहरुको विश्वासअनुसार काम गर्नेछु,” उनले साधारणसभामा भने ।
नवनिर्वाचित वरिष्ठ उपाध्यक्ष गौतमले अहिलेसम्म नेपालका हरेक क्षेत्रका मानिसलाई रसियामा सहयोग गरिरहेको समाजले आगामी दिनमा नेपालको खेलकुदमा सोझै पनि सहयोग गर्ने योजना बनाएको बताए ।
यसैगरी कार्यक्रमका प्रमूख अतिथि राजदुत घिमिरेले नवनिर्वाचित कार्यसमितिको सफलताको कामना गर्दै समाज आगामी दिनमा नेपालको सामाजिक, सांस्कृतिक र खेलकुदमा थप योगदान गर्न सक्षम हुने अपेक्षा गरे