काठमाडौं । बलिउड स्टार प्रियंका चोपडाको निर्माण नेपाली चलचित्र ‘पाहुनाः द लिटिल भिजिटर्स’ को ‘सानो नौलो संसार...’ बोलको नयाँ गीत रिलिज भएको छ ।
पियूष नेपाल र अभिब्यन्जना रुवी ठटाललको स्वर रहेको गीतमा सागर देसाइको संगीत सुन्न सकिन्छ । गीतको शब्द गायक नेपाल र प्रयास नेपालले संयुक्त रुपमा लेखेका हुन् ।
गीतको भिडियोमा बाल कलाकार इसिका गुरुङ र अनमोल लिम्बु फिचर्ड छन् ।
नेपालमा सरकार–माओवादी आन्दोलनबाट बचेर सिक्किम पुगेका तीन बालबालिकाको कथा भन्ने चलचित्रलाई पाखी ए टायरवालाले निर्देशन गरेका हुन् । इसिका गुरुङ र अनमोल लिम्बुसँगै चलचित्रमा मञ्जु केसी, शरण राई, विनोद प्रधानलगायतका कलाकारको अभिनय छ ।
प्रियंका र उनकी आमा मधु चोपडाले निर्माण गरेको चलचित्र मंसिर २१ गते रिलिज हुँदैछ ।