काठमाडौं । ‘मिस नेपाल–२०१८’ श्रृंखला खतिवडा ‘मिस वल्र्ड–२०१८’मा हेड टु टेड च्यालेन्जमा टप २० मा पर्न सफल भएकी छन् । श्रृखंला समूह विजेता हुँदै टप २० मा पर्न सफल भएकी हुन् ।
उनले भोटिङमार्फत प्राप्त मतका आधारमा आफ्नो समूहमा रहेका सुन्दरीहरुलाई पपछि पार्दै समूह विजेता बनेकी हुन् । २० वटा समूहबाट बाँडेर हरेक समूहबाट एक÷एक जना छानिएको थियो । छनोटमा परेका २० जनाले मिस वल्र्डको टप ३० मा आरक्षित १० सिटका लागि आपसमा प्रतिस्पर्धा गर्न पाउने बताइएको छ ।
मल्टिमिडयो टाइटलका लागि पनि उनी अगाडि रहेकी छन् । सोसल मिडियातर्फ भोटिङमा १२१ देशका प्रतिस्पर्धी सुन्दरीहरुलाई पछि पार्दै श्रृंखला एक नम्बरमा पर्न सपफल भए उनले मल्टिमिडियाको टाइटल होल्ड गर्ने छिन् । अहिलेसम्म उनी अरुभन्दा अगाडि छिन् । भोटिङका लागि खुला गरिएको समय देखि नै श्रृंखलाले प्रतिस्पर्धीलाई पछिपार्दै लिड गरिरहेकी छिन् ।
उनले यो टाइटल हात पारे मिस वल्र्डमा नेपाली सुन्दरीले पाएको यो नै अहिलेसम्मकै सबैभन्दा ठूलो सफलता हुनेछ ।
उनले आफ्नो फेसबुक पेज तथा अन्य सामाजिक सञ्जालमार्फत आफूलाई भोट गर्नका लागि बारम्बार अपिल गर्दै भोट गर्ने तरिका समेत सिकाएकी छिन् । मोभ स्टार एप मार्फत प्रतिस्पर्धीलाई भोट गर्ने ब्यस्था मिलाइएको छ । सामाजिक सञ्जाल ‘मोभस्टार’मा गएर प्रतिस्पर्धीको तस्बिर तथा भिडियोमा लाइक, सेयर तथा कमेन्ट गरेका आधारमा भोट काउन्ट हुन्छ ।
उनले प्रतिस्पर्धी विभिन्न देशका सुन्दरीहरुलाई नेपाली भाषा बोल्न र गीत गाउन आग्रह गर्दै भिडियो पोस्ट गरेकी छिन् । उनले आफ्नो भिडियोमा आफूलाई भन्दा पनि नेपालको सुन्दरतालाई देखाएकी छन् । उनले बौद्ध स्तुपादेखि सगरमाथासम्मलाई भिडियोमा समावेश गरेकी छन् ।
‘मिस वल्र्ड–२०१८’को फाइनल यही मंसिर २२ गते चीनको सान्यामा हुँदैछ ।