काठमाडौँ । सचिवालय बैठक समयमै शुरू नभएपछि नेपाल कम्युनिस्ट पार्टी (नेकपा)का चार नेताले बैठक बहिस्कार गरेका छन् ।

शनिबार दिउँसो तीन बजे बोलाइएको बैठकमा अध्यक्ष केपी शर्मा ओली आउन ढिला गरेपछि नेता झलनाथ खनाल, माधव नेपाल, वामदेव गौतम र प्रवक्ता नारायणकाजी श्रेष्ठले बैठक बहिस्कार गरेका हुन् ।

“हामीले आधा घन्टा पर्खियौँ, बिना सूचना उहाँ (पार्टी अध्यक्ष केपी ओली) अनुपस्थित रहनुभयो । हामीलाई जानकारी गराउनुभएन । उहाँ व्यस्त हुनुहोला, हाम्रो पनि काम थियो, बैठकबाट बाहिरियौँ,” नेता खनालले बाह्रखरीसँग भने ।

पार्टी अध्यक्षको समय व्यवस्थापनसँग शीर्ष नेताहरू रुष्ट थिए । कार्यक्रममा ढिला आउने, पट्यारलाग्दो भाषण गर्ने । समय खेर फाल्ने शैलीबारे नेता खनाल, नेपाल र श्रेष्ठले शुरूदेखि नै विमति राख्दै आएका थिए ।

श्रेष्ठले केहीसमयअघि शीर्ष नेताले समयको पालना नगरेको भन्दै केपी ओलीकै अघिल्तिर आक्रोश पोखेका थिए ।

तर, जति गरे पनि सुध्रने छाँट नदेखाएपछि सचिवालय सदस्य रूष्ट बनेको स्रोतको दाबी छ ।

स्थायी कमिटीको बैठक नबोलाउने सचिवालय बैठक पनि सारेको सा¥यै गर्न थालेपछि नेकपामा असन्तुष्टि चाङ लाग्न थालेको छ ।