काठमाडौं । चलचित्र ‘बुलबुल’को टिजर सार्वजनिक भएको छ । ४५ दिन अघि बाटोमा नायक नायिकालाई नचाएर बेग्लै तरिकाले गीत सार्वजनिक गरेको बुलबुलको फरक खालको टिजर सार्वजनिक गरिएको छ । चलचित्रको एक दृश्यजस्तो लाग्ने टिजरमा नायिका स्वस्तिमा खडका छिन् । नवनायक मुकुन भुषाल पनि टिजरमा देखिएका छन् । 

फागुन ३ गते भ्यालेन्टाइन डेको छेको पारेर प्रदर्शनमा आउने चलचित्र ‘बुलबुल’को खुद्राखाद्री मायाले बोलको गीत रिलिज भइसकेको छ । 

विनोद पोडेलले निर्देशन गरेको चलचित्रका निर्माता अविरल थापाले अब हरेक १० दिनमा अन्य रोचक र अनौठा प्रचार सामग्रीहरु सार्वजनिक हुँदै जाने बताए । 

चलचित्रमा स्वस्तिमा खडकाका अलावा नवनायक मुकुन भुसाल, बुद्धि तामाङ्ग, दिपक क्षेत्री, लक्ष्मी बर्देवा, एलिना कार्की, जोयश पाण्डे, उज्जल अधिकारी, सृष्टि भट्टराई आदिको अभिनय रहेको छ ।