काठमाडौं । रन्जित धिमालको निर्णायक गोलमा थ्रिस्टार क्लबले मछिन्द्रमाथि १–० को नतिजा निकाल्दै सहिद स्मारक ए डिभिजन लिगमा सातौं जित दर्ता गरेको छ । थ्रिस्टारको जितमा ११ औं मिनेटमा रन्जितले गरेको एकमात्र गोल पर्याप्त बन्यो ।
हलचोकस्थित सशस्त्रको खेल मैदानमा ११ औं मिनेट जाँदा मछिन्द्रका खेलाडी अन्जन देबकोटाले फाउल गरेपछि रेफ्री प्रज्वल प्रज्वल क्षेत्रीले थ्रिस्टारलाई पेनाल्टीको अवसर दिएका थिए । जसलाई रन्जितले सदुपयोग गरे । यो सँगै लिगमा रन्जितको गोल संख्या ७ पुगेको छ । मनाङका अज्जन बिष्टको नाममा ५ गोल छ ।
राष्ट्रिय खेलाडी प्रेरित थ्रिस्टारले बाँकी समय अवसर सृजना गरेपनि मछिन्द्रका गोलकिपर दीप कार्कीले बिफल पारे । २१ औं मिनेटमासुनिल बलको कर्नरमा रञ्जन विष्टको हेड र २८ औं मिनेटमा अनिल गुरुङको हेड गोलकिपर कार्कीले रोकेका थिए । बाँकी समय थ्रिस्टारले आक्रमक खेलेपनि मछिन्द्रका रक्षकले उत्कृष्ट बचाउ गरे । जितसँगै थ्रिस्टार २१ अंकका साथ शीर्षस्थानमा रहेको मनाङलाई पछाइरहेको छ । मनाङसँग पराजय भोगे यता थ्रिस्टार सुखद नतिजामा छ । मछिन्द्रले भने जितबिहिन यात्रा तोड्न सकेको छैन् ।