काठमाडौं । ललितपुर प्याट्रियट्सका सन्नी पटेलले तीन विकेट लिएपछि लिग चरणको अन्तिम खेलमा भैरहवा ग्लाडियटर्सले खराब सुरुआत गरेको छ । कीर्तिपुरस्थित त्रिवि क्रिकेट मैदानमा टस हारेर ब्याटिङका लागि निम्त्याइएको भैरहवाले दश ओभरको समाप्तिमा ४ विकेट गुमाएर ४९ रन बनाएको छ । सन्नी पटेलले ३ ओभरमा ९ रन दिएर ३ विकेट लिएपछि भैरहवाका ब्याट्सम्यानले रनका लागि संघर्ष गर्नु पर्यो ।
सन्नी पटेलले भैरहवाका ओपनर मोहम्मद नाभेद र प्रदीप ऐरी तथा कप्तान शरद भेषावकरको महत्वपूर्ण विकेट लिएका छन् । गत वर्ष उपविजेता बनेको भैरहवाका कप्तान शरद भेषावकर १ रन बनाएर पवेलियन फर्किंदा नाभेद र प्रदीपले समान २ रन बनाएर आउट भए । रवि इन्दर सिंहले २५ रन जोडे । रवि इन्दरलाई योगेन्द्रसिंह कार्कीले बोल्ड गरे ।