काठमाडौं । चार दिनदेखि बहुमूल्य धातु सुनको भाउ स्थिर रहेको छ । गत बिहीबारदेखि आज आइतबारसम्म सुन तोलाको ५९ हजार ५ सय रुपैयाँ नै कायम रहेको छ ।
गत बिहीबार ३ सयले घटेर तोलाको ५९ हजार ५ सय रुपैयाँमा झरेको सुनको भाउ त्यसको अघिल्लो दिन बुधबार भने २ सय रुपैयाँ घटेर ५९ हजार ८ सयमा कारोबार भएको थियो । तर, मंगलबार भने तोलाको ६० हजार रुपैयाँ पुगेको थियो ।
यसअघि गत कात्तिक २० गते पनि सुन तोलाको ६० हजार रुपैयाँ पुगेको थियो । त्यसयता यसको भाउ उतारचढावपूर्ण रहँदै आएको छ । अघिल्लो साता सोमबार ५९ हजार ४ सय रुपैयाँ, आइतबार ५९ हजार रुपैयाँ र शुक्रबार प्रतितोला ५८ हजार ५ सयमा कारोबार भएको थियो ।
नेपाल सुनचाँदी व्यवसायी महासंघका अनुसार गत बुधबारको दाँजोमा आज आइतबारसम्म छापावाल सुनको भाउ प्रतितोला ३ सयका दरले घटेर ५९ हजार ५ सय रुपैयाँमा कारोबार भइरहेको छ । तेजाबी सुनको भाउ भने प्रतितोला ५९ हजार २ सय रुपैयाँमा कारोबार भइरहेको छ । चाँदी प्रतितोला ७ सय ३० रुपैयाँमा झरेको छ । अघिल्लो साता बुधबार तेजाबी सुन तोलाको ५९ हजार ५ सय र चाँदी तोलाको ७ सय ३० रुपैयाँमा कारोबार भएको थियो ।
महासंघका अनुसार पुस १ (आज) सम्मको मूल्यसूची हेर्दा छापावाल सुनको भाउ मंसिर २९, २८ र २७ गते तोलाको ५९ हजार ५ सय रुपैयाँ थियो । मंसिर २५ मा भने तोलाको ६० हजार रुपैयाँसम्म पुगेको थियो । यसअघि मंसिर २४ गते ५९ हजार ४ सय, २३ गते ५९ हजार, मंसिर २, ३ र २० गतेको भाउ ५८ हजार ७ सय रुपैयाँसम्म पुगेको थियो ।
पछिल्लो एक साताको मूल्यसूचीअनुसार मंसिर २४ मा छापावाल सुनको भाउ प्रतितोला ५९ हजार ४ सय, मंसिर २५ मा ६० हजार, मंसिर २६ मा ५९ हजार ८ सय, मंसिर २७ मा ५९ हजार ५ सय र मंसिर २८ मा ५९ हजार ५ सय रुपैयाँमा कारोबार भएको थियो ।