जुरिच । अन्तर्राष्ट्रिय भूगर्भविद्हरुले गरेको पछिल्लो अध्ययनले फेरिपनि नेपालमा ८ म्याग्निच्युड भन्दा माथिको भूकम्प जान सक्ने तथ्य औंल्याएको छ । 

२०७२ साल वैशाख १२ गतेको भूकम्पबाट सिर्जित समस्याको अझै समाधान भइनसकेको अवस्थामा यो तथ्य बाहिर आएको हो ।  इण्डियन र युरेसियन प्लेटको अध्ययनका क्रममा भूभर्गविदहरु सो तथ्यमा पुगेको रिपोर्ट आज सार्वजनिक भएको छ ।  इन्स्टिच्युट अफ जियोफिजिक्सका विज्ञ लुका दाल जिलियोले जमिनभित्र अझै पनि दबाब रहेको जनाएका छन् । 

यस खालको प्रतिवेदन विगतमा पनि विभिन्न अनुसन्धानपछि सार्वजनिक गरिँदै आएका छन् । यद्यपि भूकम्प यही समयमा जान्छ भन्ने कुरा वैज्ञानिकहरुले समय नै तोकेर भन्न सक्ने अवस्था नहुने स्वयं भूगर्भविद्हरुको कथन रहने गरेको छ  । सम्भावना सधैं रहने भएपनि जमिनमुनि भएको दबाब स–साना भूकम्पले विस्तारै कम हुँदै गएमा ठूला भूकम्प टर्न सक्ने समेत भूगर्भविद्हरुले यस अघि धेरैपटक औंल्याएका छन् । त्यसैले यस्ता प्रतिवेदन आउँदैमा कोही पनि त्रसित भइहाल्नुपर्ने अवस्था भने नरहने उनीहरुको तर्क रहने गरेको छ । यद्यपि नयाँ निर्माणका क्रममा भने भूकम्प निरोधक प्रविधि प्रयोग गर्नु उपयुक्त हुने उनीहरुको तर्क रहने गरेको छ । 

https://www.futurity.org/earthquakes-nepal-1958582/