काठमाडौं । हिन्दी कथानक चलचित्र ‘उरी’ले एक हप्तामा ७०.९४ करोड भारतीय रुपैयाँ कलेक्सन गरेको छ । भारतीय चलचित्र बजारमा बक्स अफिस कलेक्सनमा नयाँ रेकर्ड हो ।
विक्की कौशलको चलचित्रले अघिल्लो वर्षको सुपरहिट चलचित्र आयुष्मान खुरानाको चलचित्र ‘बधाई हो’को रेकर्डलाई पनि पछि पार्दै ‘उरी’ले नयाँ रेकर्ड बनाएको हो । ‘बधाई हो’ले एक हप्तामा ६६.१० करोड भारतीय रुपैयाँ कलेक्सन गरेको थियो ।
पछिल्ला वर्ष बक्स अफिसमा सुपरहिट भनिएका चलचित्रलाई पनि ‘उरी’ले पछि पारेको तरण आदर्शले बताएका छन् ।
यता, नेपालमा यो चलचित्र १० लाखमा स्टेशन–५ ले नेपाल भित्राएको छ । चलचित्रले काठमाडौं बाहिर पनि राम्रो ब्यापार गरेको स्टेशन–५ प्रचण्डमान श्रेष्ठले जानकारी दिए । “काठमाडौं बाहिर ‘उरी’ले अनपेक्षित व्यापार गरेको छ,” उनले भने, “काठमाडौं बाहिर हिन्दी चलचित्रले यती राम्रो व्यापार गरेको यो पहिलो पटक हो ।”