काठमाडौं । ललितपुरका रितिज जोशी र नेपाल आर्मीकी दीक्षा तामाङ मंगलबार प्रथम एन्टा कप राष्ट्रिय जुनियर टेबलटेनिस प्रतियोगितामा यु–१८ उमेर समूहमा विजेता बनेका छन् । रितिजले पुरुष एकल तथा दीक्षा महिला एकलतर्फ विजेता बनेका हुन् ।
लौनचौरस्थित राष्ट्रिय टेबलटेनिस प्रशिक्षण केन्द्रमा पुरुष एकलको फाइनलमा रितिजले एपीएफका सन्योग कपालीलाई ११–५, १३–११, ११!–५ को सोझो सेटमा पराजित गरे । दीक्षाले महिला एकलको फाइनलमा आफ्नै क्लबकी दीक्षा दाहाललाई ९–११, ११–९, ११–८, १२–१० को सेटमा हराएकी हुन् ।
अखिल नेपाल टेबलटेनिस संघद्वारा आयोजित प्रतियोगिताको क्याडेट पुरुष एकलमा एपीएफका विशाल गोले पहिलो भए । उनले मोरङका बोधित डिसीलाई ११–७, ११–७, ९–११, ११–९ को सेटमा हराएका हुन् । सोही स्पर्धाको महिला एकलमा भक्तपुरकी अन्जु सुवालले काठमाडौंकी समृति पन्तलाई ११–८, ११–७, ११–९ को सेटमा हराएकी हुन् । ३ दिनसम्म चलेको प्रतियोगितामा १ सय ५० खेलाडीले विभिन्न १० स्पर्धामा प्रतिस्पर्धा गरेका थिए ।