site stats
बाह्रखरी :: Baahrakhari
खेल
Nabil BankNabil Bank
Sarbottam CementSarbottam Cement
विराटनगरमा हिसान स्पोर्टस मिट सुरु 
Ghorahi CementGhorahi Cement

विराटनगर । विराटनगरमा उच्च शिक्षालय तथा विद्यालय संघ हिसान मोरङको अयाोजना ८ औं हिसान स्पोर्टस मिट सुरु भएको छ ।  खेलकुदका माध्यबाट विद्यार्थीलाई शारीरिक स्वास्थ्य राख्ने उद्देश्यले मंगलबार खेलकुद महोत्सव सुरु भएको हो । 

प्रतियोगिताअन्तर्गत फुटबलको पहिलो खेलमा ग्रिनल्याण्ड कलेजले सिर्जनाज्ञान कुञ्जलाई २–० गोलमा पराजित गरेको छ । ग्रिनल्याण्ड स्पर्धाको पहिलो चरणमा प्रवेश गरेको छ । ग्रिनल्याण्डका मुकेश बोगटी र पेमा गुरुङले समान १–१ गोल गर्दै टिमलाई विजयी बनाएका हुन् ।

खेलको म्यान अफ द म्याच ग्रिनल्याण्डका पेमा गुरुङ घोषित भए । त्यसैगरी दोस्रो खेलमा मेरिल्याण्ड कलेजले नेशनल एकेडेमीलाई ६–२ गोलमा पराजित गर्दै क्वाटर फाइनलमा प्रवेश गरेको छ । मेरिल्याण्डका सन्तोष चौधरीले ३ गोल, अनिष चौधरी, स्वीकार भट्टराई र समिर क्षेत्रीले १–१ गोल गरेका छन् । नेशनल एकेडेमीका बुद्धबल तामाङ र विक्रम राजवंशीले १–१ गोल गरे । म्यान अफ द म्याच मेरिल्याण्डका सन्तोष चौधरी भए । 

Agni Group

तेस्रो खेलमा बुद्ध अंग्रेजी बोर्डिङ स्कुलले शिक्षादीप कलेजलाई ३–१ गोल गर्दै पहिलो चरणमा प्रवेश गरेको छ । बुद्धका विमल राजवंशी, राजीवकुमार खवास र विराजकुमार मुसहरले समान १–१ गोल गरे । शिक्षादीपका लागि राहुल चौधरीले गोल गरे । म्यान अफ द म्याच बुद्धका राजीवकुमार खवास भए । चौथो खेलमा कोसी कलेजले पथरीको एभरेष्ट कलेजलाई २–० गोलमा पराजित गर्दै क्वाटर फाइनलमा प्रवेश गरेको छ । म्यान अफ द म्याच कोसीका पर्शु राई भए । 

त्यस्तै क्रिकेटतर्पm पहिलो खेलमा अर्डिक कलेजले सिटी कलेजलाई ५२ रनले पराजित गर्दै क्वाटर फाइनलमा प्रवेश गरेको छ । टस जितेर सिटीले अर्किडलाई ब्याटिङको मौका दिएको थियो । अर्किडले ब्याटिङ थाल्दै २० ओभर खेल्दै ८ विकेटको क्षतिमा १२० रन बनायो । जसमा मोहित अर्यालले ३२, रञ्जन पासवानले २२ र जस किशनले १४ रन बनाए । बलिङमा सिटीका सचिन साहले ३ विकेट लिए । 

Global Ime bank

१०३ रनको विजयी लक्ष्य पाएको सिटीले १७ ओभर १ बलमा सबै विकेट गुमाउँदै ६८ रनमा समेटियो । जसमा विजय सहनीले १२, अर्जुन राजवंशी १२ र वीरेन्द्र राजवंशीले ११ रन बनाए । बलिङमा अर्किडका सिद्धार्थ ढकाल र मञ्जित कामले ३–३ विकेट लिए भने मोहित अर्यालले २ विकेट लिए । अर्किडका मोहित अर्याल म्यान अफ द म्याच भए ।

दोस्रो खेलमा ग्रिनल्याण्ड कलेजले कोबास कलेजलाई १२ रनले पराजित गर्दै क्वाटर फाइनलमा प्रवेश गरेको छ । टस जितेर पहिलो ब्याटिङ गरेको ग्रिनल्याण्डले १५ ओभरमा ८ विकेटको क्षतिमा १०१ रन बनायो । जसमा पिन्टु यादवले १५, सन्तोष गुप्ताले १३ र मिहिर मिश्रले १० रन बनाए ।  बलिङमा कोबासका इवाजत अली र दीपेन्द्र रायले ३–३ विकेट लिए । 

१०२ रनको विजयी लक्ष्य पाएको कोबासले १४ ओभर ५ बलमा ८९ रनमै समेटियो । जसमा साहेल आलमले ४२, दीपेन्द्र रायले ११ र रितिकले १० रन बनाए । बलिङतर्फ ग्रिनल्याण्डका सिद्धार्थ यादवले ५ र मानस अधिकारीले ३ विकेट लिए । म्यान अफ द म्याच ग्रिनल्याण्डका सिद्धार्थ यादव भए । 

हिसान स्पोर्टस् मिटमा फुटबल, क्रिकेट, भलिबल, टेबलटेनिस, बास्केटबल, एथलेटिक्सका खेलमा मोरङका २४ कलेजको सहभागिता रहेको छ । 

प्रतियोगिताअन्तर्गत बुधबारको खेल क्रिकेटको पहिलो खेल मेरिल्याण्ड कलेज र मोर्डनऐरा कलेज र दोस्रो खेल पथरीको एभरेष्ट र विद्याभूमि स्कुलबीच हुनेछ । त्यसैगरी फुटबलको पहिलो खेल विद्याभूमि स्कुल र सिटी कलेज, दोस्रो खेल कोबास र एभरेष्ट कलेज, तेस्रो खेल लर्डबुद्ध कलेजल र रेडस्टार कलेज तथा चौथो खेल मोर्डनऐरा र दिल्लीपब्लिक स्कुलबीच हुनेछ । 
 

NIBLNIBL
प्रकाशित मिति: मंगलबार, माघ ८, २०७५  १९:३०
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC